湘乡到翻江滴飞机上（非湘乡人莫看，看了也不懂）
候机大厅里头 好多八多人啊，里头温度估计 上噶四五十度里，滴人画是 汗渍噶桶。风扇要死不落气 滴噶转，果滴人画是噶 亚娘齿B：“湘乡机场滴人要死去啊，风扇要死不落气，老叶子蒲扇 都不晓得发几把。”“就是咯，还是湘潭机场好啊，晓得放桶凉茶到外头。”
这时出来个空姐 做死滴叫：“到育塅、新桥、太平、番江滴 快滴登机啊哈，果是 兼日子 最后一班飞机里啊，果滴易燃易爆滴家伙 莫带起上飞机里啊哈，那个嫚嫚滴 蛇皮袋供 滴哈嘛子啊？快滴拿开滴咯，莫影响别个登机哇！”果时候走过两个年轻哥哥，问空姐：“美女啊，交个朋友耍画几咯，QQ号码是好多哇？加起偷画几菜咯。”空姐叫道：”加你娘滴B，快滴死起 上飞机咯，等下几 老娘把你从飞机高头 亚噶画起！“
飞机里头，果滴人画放肆噶抢位子，空姐又是噶叫：“莫抢位子咯，画有位子，画是几个湘乡人，莫冒得一点素质咯！莫挤莫挤咯，爷啊，果里有夺托肚卜，挤噶扎毛毛画来里，哪个负得责起咯。”“飞机高头 嘛噶一冒得安全带哇？”“安全带冒得里，一个发里根麻绳子，系好滴几咯，拌噶牙齿气里，恩俺不包那哈。那个嫚嫚滴 蛇皮袋供 放好滴几咯，打到别个脑壳高头 画不得地纳。”
飞机起飞里，放肆噶摆。果滴人 画吓起做鬼叫，空姐叫道：“叫叫叫，叫死啊，飞机打下几摆子，有哈嘛子怕得哇？恩男放心咯，果扎飞机安全飞行噶四五十年里，冒出过哈嘛事，总共才拌死炮把个人，放心咯！那个暖吧屎 嘛噶还在果里乱走咯，是哪个滴哇，细人几滴不晓得带，慢些拌哒里又要机场里赔。”
育塅上空
“育塅到噶里啊，到育塅滴 赶快下飞机啊。嘛噶？只有一个要下滴啊？一个人，飞机就不停里，恩果里有把伞，打哒把伞跳下去算里咯，注意啊，跳滴时候脚先出去啊，红些莫 脑壳先落地那，落（读一声）噶脑浆滴 会拌噶出来气啊。”果扎时候一夺细人子几 走过来“美女姐姐，恩要解手里，茅次屋 在哪里哇？”“飞机高头哪里有茅次屋咯！恩果里有扎矿泉水瓶子，窝到果扎滴头咯。”一画几，细人几拿哒果扎矿泉水瓶子来里“美女姐姐啊，恩窝噶里，嗲！”“你果扎细人几有滴宝器哇！窝噶里，把瓶子 亚噶画起哇，来（读一声）哒 哈恩做 哈嘛子哇？俺屋里又冒得菜土，冒得菜水淋得。”
新桥上空
“新桥到噶里啊，欢迎大家到美丽滴新（新桥）马（马龙）太（太平）旅游啊。飞机将在新桥停留一分钟，大家抓紧时间赶快观看新桥美丽的景色要下飞机滴赶快下飞机啊，帅哥啊，莫挨得噶近咯，热死噶人，你再挨得噶近，搞起别个心浮浮（这里读“袍袍”）里，别个屋里老倌出去打工起里，冒得人呢，夜里嘛噶困得落哇，真滴 害死噶人。”“美女啊，你让开滴几咯，恩要下飞机类，美女电话QQ好多哇？”电话13********，QQ是*********，加我QQ就莫偷恩滴菜那。”“放心咯。。。。。。”
太平上空
“太平到噶里啊，太平是某某书记滴故乡。解放后，湘乡还只出了这么个大人物类，某某书记非常关注家乡的发展，湘乡机场的兴建搭帮某某书记，要不湘乡人到现在还是骑单车出门类，我们要感谢他老人家啊！要下飞机滴赶快准备下飞机啊，天要转黑里，慢些乌七嘛黑的，拌到哪扎款脚下，就不得噶了那。”“前头空管所 查超载类，满哥啊，注意滴几咯，查哒里就变噶宝里那”。。。。。。
飞机刚刚从太平起飞一分钟“美女啊，恩要下飞机。”“嘛噶搞滴哇？刚刚起飞又要下，别个油费滴弄不起类，算里，飞机不停，等下前头有扎溏，你等下跳下起，反正是热天到溏里洗个澡回起见堂客，干干净净滴，堂客喜包里。。。。”
番江机场
飞机降落，果滴人 做死滴庞，空姐又是噶叫“慢滴几咯，慢滴几咯，拌哒里不得清净类，大家要高高兴兴出门，安安全全回家咯，欢迎大家下次继续乘坐X——250班机”空姐又对飞行员叫道“快滴几气加滴汽油几，看还带得几个回头客不。